EACEAнын Дипломатиялык академияга мониторинг сапары

2024-жылдын 10-октябрында EACEA программасынын кызматкери Мария-Соль Домингес Паррадо айым Erasmus+ долбоорлорунун максаттарын, ишке ашырылган иш-чараларын, иштелип чыккан продуктуларын жана жыйынтыктарын мониторинг кылуу үчүн Кыргыз Республикасындагы Казы Дикамбаев атындагы Дипломатиялык академияга келди. Иш-чарада иш пакеттерин башкаруу, долбоордун милдеттерин аткаруу жана жетишкендиктер каралып, сунуштар камтылган жазуу жүзүндөгү пикирлер даярдалды. Долбоордун өнөктөштөрү GREENKGнин өз университеттерине тийгизген таасирин талкуулашты.

Ош мамлекеттик университетинин жумушчу тобу онлайн катышып, долбоордун ишке ашырылышы тууралуу маалымат берди. Талкуулардын негизги бөлүгү делегациянын ОшМУга сапары учурунда өткөрүлмөкчү.

Биргелешкен аракеттер жана мындан аркы өз ара аракеттешүү билим берүү тармагындагы позицияларды бекемдөөгө жана жаңы демилгелерди ишке ашырууга өбөлгө түзөт деп ишенебиз.